ლაშქრობა სათაფლიაზე

ქუთაისი. საქართველოს სკაუტური მოზრაობის იმერეთის ორგანიზაცია 2014 წლის 13 აპრილს შეუერთდა აქციას „ გადადი გადასასვლელებზე“, რომელიც „ საქართველოს ბავშვების მიერ“ FLEX Alumni საგრანტო პროგრამის ფარგლებში ხორციელდება და დაფინანსებულია ამერიკის შეერთებული შტატების სახელმწიფო დეპარტამენტის განათლებისა და კულტურის ბიუროს ( ECA) მიერ და ადმინისტრირდება ამერიკული საბჭოების მიერ. აქციაში მონაწილეობა მიიღო 25-მა სკაუტმა იმერეთის რეგიონიდან ( ქუთაისი, თერჯოლა, ზესტაფონი, სამტრედია, ვანი, ბაღდათი, ხარაგაული). აქციის ფარგლებში დარიგდა საინფორმაციო ბუკლეტები და პლაკატები.
ასევე იმერეთის სკუტების მიერ განხორციელდა ლაშქრობა ჯანსაღი ცხოვრების წესის მხარდასაჭერად სათაფლიის ეროვნულ ნაკრძალში, სადაც გაიმართა სხვდასხვა სპორტული, საგანმანათლებლო, გასართობი აქტივობები. რამოდენიმე აქტიურ სკაუტ მოხალისეს გადაეცა სკაუტური ყელსახვევი სკაუტურ ოჯახში მიღების ნიშნად.

სტუმრად თბილისსა და რუსთავში

2014 წლის 6-10 მარტს რუსთავის საერთაშორისო სკაუტურ ცენტრს შვეიცარელი სკაუტები ესტუმრნენ.

სამუშაო შეხვედრის ფარგლებში, უცხოელმა ლიდერებმა თბილისის, რუსთავის, იმერეთისა და ბათუმის სკაუტურ ორგანიზაციების წარმომადგენლებს საზღვაო კვანძების მომზადება შეასწავლეს.ტრენინგს საქართველო მასშტაბით 20 სკაუტი და 2 ლიდერი ესწრებოდა. ჯგუფებმა ქალაქის ცენტრალურ პარკში ჩატარებულ გარე აქტივობაზე სხვადასხვა კვანძების კომბინაციით ააგეს კონსტრუქციები, მათ შორის "ზიპ ლაინი." ერთიანი ძალებით მოეწყო "სითი გეიმი," რამაც უფრო მეტად გაამხიარულა და სტიმული მისცა ტრენინგის თითოეულ მონაწილეს.

სკაუტურ ცენტრში, გაიმართა ნაციონალური საღამო, რომელზეც ტრენინგის მონაწილეებმა ერთმანეთს ქვეყნის ტრადიცია და კულტურა გაუზიარა.

2014 წლის 10 მარტს თბილისში, გაიმართა სამუშაო შეხვედრა, რომელშიც მონაწილეობას ღებულობდნენ თბილისის, რუსთავის, იმერეთისა და ბათუმის სკაუტურ ორგანიზაციების წარმომადგენლები, ქალბატონმა მზია აფრიდონიძემ მიმართულებების ხელძღვანელებს გააცნოთ საკუთარი ფუნქციები და უფლება-მოვალეობები. დაისახა სამომავლო სამოქმედო გეგმები.
აღნიშნული შეხვედრა საინტერესო და საჭირო ინფორმაიცებით იყო დატვირთული, რაც მომავალში სკაუტების საქმიანობას კიდევ უფრო მეტად ნაყოფიერსა და ორგანიზებულს გახდის.

თერჯოლა მეგობრულად გვხვდება...

28.02.2014 წელს, 16:00 საათზე საქართველოს სკაუტური მოძრაობის იმერეთის ორგანიზაცია სტუმრად იმყოფებოდა თერჯოლის მუნიციპალიტეტის სოფელ ძევრის საჯარო სკოლაში. შეხვედრის მიზანი იყო ახალგაზრდობისთვის სკაუტინგის შესახებ ინფორმაცის მიწოდება. 
შეხვედრას დაესწრო 90- მდე ადგილობრივი ახალგაზრდა, სკოლის დირექტორმა ბატონმა მანუჩარ ფანჩულიძემ იმერეთის რეგიონალურ ორგანიზაციასთან თანამშრომლობის დიდი სურვილი გამოთქვა და დაგვათვალიერებინა საინტერესო ადგილები, სადაც შესაძლებელია სამომავლოდ საინტერესო ლაშქრობების მოწყობა.
იმერეთის რეგიონალური ორგანიზაცია მადლობას უხდის ძევრის საჯარო სკოლას საინტერესო შეხვედრის ორგანიზებისთვის და იტოვებს სამომავლო საინტერესო თანამშრომლობის იმედს 

პრეზენტატორი -ლანა ტყეშელაშვილი

ლანა ტყეშელაშვილმა ჩაატარა პრეზენტაცია ბზვანის საჯარო სკოლაში :)

და ასევე ამაღლების საჯარო სკოლაშიც...

სტუმრად ხარაგაულში

21 თებერვალს საქართველოს სკაუტური მოძრაობის იმერეთის ორგანიზაცია სტუმრად იმყოფებოდა ხარაგაულის მუნიციპალიტეტში (ა)ი.პ ხარაგაულის მუნიციპალიტეტის განვითარებისა და ტურიზმის ხელშეწყობის ცენტრის ინიციატივით. შეხვედრის ფარგლებში ორგანიზაციის გამგეობამ და ლიდერებმა, ადგილობრივ ახალგაზრდებს გააცნეს ამომწურავი ინფორმაცია სკაუტინგისა და ორგანიზაციის მიერ განხორციელებული ღონისძიებების შესახებ. დაიგეგმა სამომავლოდ განსახორციელებელი ერთობლივი საინტერესო ღონისძიებები, მათ შორის სკაუტური ბანაკის გამართვა ხარაგაულში, რომელშიც მონაწილეობას მიიღებენ სკაუტები საქართველოს ყველა კუთხიდან.

აქტიური სკაუტი - სოსო ჯუღელი

აქტიური სკაუტი სოსო ჯუღელი აგრძელებს მოღვაწეობას და მან ასევე სკაუტ ბესო კობახიძესთან ერთად ჩაატარა პრეზენტაცია ქვედა საზანოს #1 საჯარო სკოლაში, სადაც მოსწავლეებს გააცნო რა არის სკაუტინგი. მის გამოსვლას მოყვა დიდი გამოხმაურება და იმერეთის ორგანიზაციამ ახალი წევრები შეიძინა...

სკაუტინგზე როხშიც შეიტყვეს...

2014 წლის თებერვლის დასაწყისში უფროსმა ლიდერმა ქეთი მამასახლისმა ჩაატარა პრეზენტაცია როხის საჯარო სკოლაში. მოსწავლეები გულისყურით უსმენდნენ მას, გამოჩნდნენ დაინტერესებული პირებიც და იმერეთის სკაუტურ ორგანიზაციას ახალი წევრებიც შეემატა...